Turkmaniston poytaxti Ashxobodda Yopiq inshootlardagi Osiyo o‘yinlari davom etmoqda.
Bahodir Ahmedov boshchiligidagi O‘zbekiston milliy terma jamoasi musobaqaning "B" guruhida 4 o‘yinda 7 ochko jamg‘ardi va ikkinchi o‘rinni egalladi. Bunday holatda O‘zbekistonga "A" guruhining g‘olibi to‘qnash kelishi kerak edi.
"A" guruhida Vyetnam hamda Turkmaniston terma jamoalari bir xil 9 ochkodan yig‘ishdi. O‘zaro o‘yindagi g‘alaba evaziga Migel Rodrigo boshchiligidagi vyetnamliklar peshqadam bo‘lishdi. Shu tariqa, O‘zbekiston chorakfinalda Vyetnamga qarshi bahs olib boradi. Quyida "Ashxobod-2017" futzal bellashuvlari chorakfinal juftliklari va taqvimini keltirib o‘tamiz.
"Ashxobod-2017"
Chorakfinal
23.09.2017
11:00. Eron - Tailand
13:00. Yaponiya - Iordaniya
16:00. Afg‘oniston - Turkmaniston
19:00. Vyetnam - O‘zbekiston
Agar Bahodir Ahmedov bosh murabbiyligidagi terma jamoamiz Vyetnamni mag‘lub etsa, yarimfinalda Yaponiya - Iordaniya juftligi g‘olibiga qarshi bahs olib boradi.
