Londonning «Arsenal» klubi sobiq futbolchisi Emmanuel Ebuening sog‘ligida jiddiy muammo aniqlandi. Bu haqda futbolchining agenti Tekin Birinchi Facebook‘dagi sahifasida ma’lum qilgan.
Agent bergan ma’lumotga ko‘ra, Ebuega OIV (orttirilgan immunitet virusi) tashxisi qo‘yilgan.
«Uning sog‘lig‘i bilan bog‘liq xabarlar, afsuski, to‘g‘ri. Ammo yanada aniqroq ma’lumotni biz Angliyadagi qon topshirishdan so‘ng olamiz. Afsus biz uning sog‘lig‘i bilan bog‘liq jiddiy muammoga duch keldik, ammo bu borada aniq izohlar berishga haqqim yo‘q. Vaziyat qanday darajada jiddiy ekanini tashxislardan keyin aniq bilib olamiz», – deb yozgan Birinchi.
Eslatib o‘tamiz, Ebue «Arsenal» tarkibida ikki marta Angliya chempionati bronza medalini qo‘lga kiritgan, Chempionlar ligasida finalga qadar yetib borgan va mamlakat kubogida bosh sovrinni qo‘lga kiritgan. «Galatasaroy» tarkibida esa ikki karra Turkiya chempioni degan nomga ega bo‘lgan.
