Лондоннинг «Арсенал» клуби собиқ футболчиси Эммануэл Эбуэнинг соғлигида жиддий муаммо аниқланди. Бу ҳақда футболчининг агенти Текин Биринчи Facebook‘даги саҳифасида маълум қилган.

Агент берган маълумотга кўра, Эбуэга ОИВ (орттирилган иммунитет вируси) ташхиси қўйилган.

«Унинг соғлиғи билан боғлиқ хабарлар, афсуски, тўғри. Аммо янада аниқроқ маълумотни биз Англиядаги қон топширишдан сўнг оламиз. Афсус биз унинг соғлиғи билан боғлиқ жиддий муаммога дуч келдик, аммо бу борада аниқ изоҳлар беришга ҳаққим йўқ. Вазият қандай даражада жиддий эканини ташхислардан кейин аниқ билиб оламиз», – деб ёзган Биринчи.

Эслатиб ўтамиз, Эбуэ «Арсенал»  таркибида икки марта Англия чемпионати бронза медалини қўлга киритган, Чемпионлар лигасида финалга қадар етиб борган ва мамлакат кубогида бош совринни қўлга киритган. «Галатасарой» таркибида эса икки карра Туркия чемпиони деган номга эга бўлган.