Futbol bo‘yicha Fransiya terma jamoasi JCH-2018 musobaqasi o‘tkazilishi vaqtida Rossiyaning Istra shahrida istiqomat qiladi.
Jamoa bosh murabbiyi Didye Desham Istra shahrining tinch va hushmanzaraligi sabab aynan shunday qaror qabul qilgan.
Shuningdek, Desham Istra shahrining Sheremetyevodagi aeroportga yaqinligini mo‘ljalga olgan.
Bundan tashqari, Desham JCH o‘tkaziladigan stadionlarning ikkitasi Moskvadaligini ham hisobga olib Istrada yashashni maqul ko‘rgan, deyiladi sports.ru nashri xabarida.
Eslatib o‘tamiz, Fransiya terma jamoasi JCH-2018 saralash bosqichining so‘nggi turida Belarus termasini 2:1 hisobida mag‘lubiyatga uchratib, Rossiya mundiali yo‘llanmasini qo‘lga kiritgandi.