Ispaniya terma jamoasi yarim himoyachisi Asyer Ilyaramendi, 2018 yilgi jaxon chempionatida ishtirok etadigan futbolchilar ro‘yxatiga kiritilishi oson bo‘lmaydi, deb hisoblaydi.
«Real Sosyedad» klubi futbolchisi JCH-2018 saralash bosqichida ilk bor Isroilga qarshi o‘yinda maydonga tushdi. Ispanlar 1:0 hisobida g‘alaba qozonishdi, Ilyaramendi esa yagona gol muallifi bo‘ldi.
«Men jamoada o‘ynaganimdan, gol urib foyda keltirganimdan juda mamnunman. G‘alaba - eng muhimi. Jaxon chempionatiga borishim qiyin bo‘lishi mumkin, ammo Ispaniya terma jamoasining barcha futbolchilari ushbu imkoniyatga ega. Buning uchun jiddiy kurashish kerak», - deydi Ilyaramendi Marca nashriga bergan intervyusida.
