Yaqinda O‘zbekiston futbol federasiyasi matbuot xizmati tashabbusi bilan jurnalistlar yig‘ilishi o‘tkazildi. O‘sha tadbir davomida «Sport» telekanali sharhlovchisi Eldor Mustafoyev Turkiyada bo‘lgan qiziq voqeani gapirib bergan edi.
«Safar chog‘i hamkasblarimiz taklifiga ko‘ra, turk jurnalistlarining xuddi shunday yig‘ilishida qatnashgandim. Bizdagidan farqli o‘laroq, u yerda ko‘proq odam yig‘ilgandi, juda qizg‘in bahs-munozara kuzatilgandi.
Turkchani tushunishda biroz qiynalganim sababli mezbonlardan nimalar bo‘layotganini tushuntirib berishlarini so‘radim. Ularning javobi esa meni ancha hayron qoldirdi.
- Shu yerda yig‘ilganlarni ko‘ryapsizmi? - deya menga savol bilan murojaat qildi xorijlik hamkasbim. - Turk futbolini ko‘targan ham, uni Yevropada raqobatbardosh qilgan ham, mahalliy chempionatda kelishilgan o‘yinlarga qarshi kurashgan ham, terma jamoadagi muammolarni gapiradiganlar ham - mana shular.
Hozir turk futboli qay darajada rivojlangan bo‘lsa, hammasi bizning mehnatlarimiz mahsuli. Hattoki, Turkiya futbol federasiyasi ham jurnalistlar bilan hisoblashadi.
Bilishimcha, turk jurnalistlari mamlakat futbol federasiyasini shu qadar ko‘p tanqid qilishgan ekanki, avvaliga ular o‘rtasida juda katta ixtilof yuzaga kelgan.
Ammo keyinchalik turli nizolar ikki tomonga ham zarar keltirishini anglab, o‘zaro ittifoq tuzishgan. Hozirda Turkiya futbolida qanday holat yuzaga kelmasin, har doim matbuotga bu haqda xabar beriladi».
Ochig‘i, jurnalistlar uchrashuvida bunga o‘xshash gaplar ko‘p aytildi. Ammo shaxsan o‘zimning yodimda Eldor Mustafoyev tomonidan keltirilgan mana shu misol qolib ketdi.
Chunki O‘zbekiston futbolida ham hozir katta o‘zgarishlar ro‘y bermoqda. Eng muhimi, DAVOMI