Qisqa muddatli ishtiroki mobaynida muxlislarga ajoyib o‘yinlarni taqdim etgan «Obod» yuksak iqtidorlarni kashf etishi bilan ham yodda qoldi.
Xo‘sh, bu klub tarkibida to‘p surgan qaysi futbolchilar o‘sishga erishishdi? Hozir ular qaysi jamoa safidalar? Quyida ulardan ayrimlarining nomlarini keltirib, elitadagi ko‘rsatkichlariga nazar tashlaymiz.
SHOHRUZ NORXONOV
Hozirgi jamoasi: «Bunyodkor»
Oliy liga-2017da: 18ta o‘yin, 5ta gol
Bu futbolchi «Obod» safida o‘ynagan kezlari to‘purarlik va texnik qobiliyati evaziga ko‘pchilikning mehrini qozondi.
Shohruz o‘z intervyularida jamoadoshlari uni «Neymar» deb chaqirishlarini ko‘p ta’kidlardi. Darhaqiqat, uning xatti-harakatlari, tashqi ko‘rinishi braziliyalik yulduzga juda o‘xshash.
Joriy mavsum birinchi davrasini «Obod»da o‘tkazgan Norxonov «Bun-yodkor»ga ko‘chib o‘tdi. E’tiborlisi, u «qaldirg‘ochlar» safida sobiq klubiga qarshi kechgan bahsda darvozani ishg‘ol qildi.
SARDOR QAHHOROV
Hozirgi jamoasi: «So‘g‘diyona»
Oliy liga-2017da: 23ta o‘yin, 2ta samarali uzatma
O‘ng qanot himoyasida to‘p suradigan bu futbolchi zarur paytda hujumchilarga ko‘maklashishi orqali ham muxlislar olqishiga sazovor bo‘lmoqda.
Ayniqsa, uning raqib jarima maydonchasi ichiga yo‘llaydigan uzatmalari hamisha xavfli chiqadi, ularning aksariyati gol bilan yakun topadi.
Qahhorov joriy mavsumning ikkinchi davrasini «So‘g‘diyona» safida boshladi. Asosiysi, u Jizzaxda ham murabbiylar ishonchini oqlamoqda.
SANJAR RIXSIBOYEV
Hozirgi jamoasi: «Olmaliq»
Oliy liga-2017da: 20ta o‘yin, 2ta gol
Ushbu futbolchidagi o‘sish va ommaga tanilish jarayoni ham aynan «Obod» bilan bog‘liq. Rixsiboyev 2017 yilgi oliy liga bahslarida o‘z hisobiga 2ta gol yozdirib qo‘ygan.
E’tiborlisi, ularning ikkisini ham «obodchilar» safida urgan. Oraliq tanaffusda «Obod» murakkab ahvolga tushib qolganda, aksariyat futbolchilar singari Sanjarga ham tezda xaridor topildi - «Olmaliq» uni tarkibga qo‘shib oldi.
Aytish mumkinki, Viktor Kumikov bosh murabbiyligidagi jamoaga moslashish Rixsiboyevga qiyinchilik tug‘dirmadi. U olmaliqliklarning har bir uchrashuvida eng faollardan bo‘lmoqda.
G‘AYRAT UMIROV
