Kuni kecha “Arsenal” va “Manchester Siti” klublari Angliya Liga Kubogida o‘z raqiblaridan ustun keldilar. Ma’lum bo‘lishicha jamoa bosh murabbiylari qo‘pol xatoga yo‘l qo‘yishgan.
TeamTALK nashrining xabariga ko‘ra, Angliya Liga Kubogining reglamentiga ko‘ra, o‘yin qo‘shimcha bo‘limlargacha cho‘zilsa, har bir jamoa 4 marta futbolchini almashtirish huquqiga ega bo‘ladi. Ammo, to‘rtinchi futbolchini asosiy vaqtda uchta o‘zgartirish qilingandan so‘nggina tushirish mumkin.
“To‘pchilar” va “shaharliklar” ikki futbolchini asosiy vaqtda va ikki futbolchini qo‘shimcha bo‘limlarda zaxiradan maydonga tushirganlar.
Ushbu reglamentdagi yo‘l qo‘yilgan xatoni birinchi bo‘lib “Norvich” klubi sezib qoldi. Shu sababli endi Angliyaning ikki grandi musobaqadan chetlatilishi mumkin.
