Germaniyadagi JFL in Schlotheim maktabi bilan hamkorlikda Toshkentda ochilgan JFL in Tashkent futbol maktabida noyabr oyida nemis murabbiyi faoliyat olib boradi.

6 noyabrda JFL in Schlotheim’ning katta murabbiyi Xerald Frits O‘zbekistonga keladi va bir oy davomida Toshkent filialida mashg‘ulot o‘tkazadi. Nemis murabbiyi asosiy e’tiborni JFL in Tashkent futbol maktabida o‘tkaziladigan mashg‘ulotlar va ish uslubi Germaniyadagi maktab faoliyati bilan hamohang bo‘lishiga qaratadi. Shu bilan birga JFL in Tashkent futbol maktabida murabbiylar uchun maxsus seminar ham tashkil qilinadi. Seminarni nemis mutaxassisi janob Xerald Frits olib boradi.

Ikki haftalik kurs noyabr oyi davomida ikki marta tashkil qilinadi. Seminar davomida nazariy bilimlar bilan birga amaliy mashg‘ulotlar ham o‘tkaziladi. Asosiy e’tibor futbolga kirib kelayotgan bolalar bilan ishlashda ilmiy-amaliy yondoshuvga qaratiladi. Yevropa standartlari bo‘yicha o‘tkaziladigan darslarda barcha xohlovchi murabbiylar ishtirok etishi mumkin.

XERALD FRITS
JFL in Schlotheim katta murabbiyi
Tug‘ilgan vaqti: 1954.02.11
1969 yildan 1973 yilgacha Elfurd shahridagi futbol akademiyasida tahsil olgan.
Futbolchilik faoliyati: 1973 yildan 85 yilgacha Oberliga (bugungi kunda Bundesliga) “Teama DDR” klubida to‘p surgan.
1985 1990 yillarda “Gotta” klubi sharafini himoya qilgan.
Ma’lumoti: 1984 yilda Sport menejmenti futbol yo‘nalishida murabbiylik bo‘yicha “A” lisenziyasini olgan.
Murabbiylik faoliyati: 1990-1997 yillarda “Erfurt Nord” murabbiyi. 1997 yildan “Shlotxaym” jamoasini boshqargan. 2006 yildan JFL in Schlotheim futbol maktabida katta murabbiy vazifasida ishlab kelmoqda.