“Manchester Yunayted” ustozi Joze Mourinyo “Chelsi”ga qarshi o‘yin oldidan intervyu berarkan, londonlik ishqibozlar uni xavotirga solmasligini ta’kidladi.

“Chelsi” muxlislarining haqoratlari — men uchun muammo emas. Men “Stemford Brij”ga kelganimda tunnel orqali to‘g‘ri stadiondagi o‘rindiqlar oldiga boraman, raqib murabbiylari bilan uchrashaman, ularga hurmat izhor qilaman. Stadionda muxlislarning gaplariga parvo ham qilmayman. Ko‘chada esa ishqibozlar meni haqorat qila olishmaydi, chunki ular bilan uchrashmayman”, dedi Mourinyo.