«Mayns» darvozaboni Robert Sentner Germaniya chempionatining 11-turi doirasida «Borussiya M»ga qarshi o‘yinda (1:1) kulgili vaziyat qahramoniga aylandi.

Sentner o‘z jarima maydonchasi ichida jamoadoshidan uzatma qabul qildi va to‘pni oyog‘i bilan qaytardi. Lekin to‘p to‘xtab qolmadi hamda "Mayns" darvozasi tomon yumalab ketdi. Darvozabon to‘pni oshirish uchun sheriklarini qidirdi va, kutilmaganda, oq rangli dumaloq shakldagi 11 metrli jarima nuqtasiga "zarba" berdi. Bu paytda raqib futbolchisi to‘p tomon yugurdi, ammo Sentner to‘pni egallashga va xavfni bartaraf etishga ulgurdi.

«To‘p men tomon yumalab keldi. Ko‘zimning bir cheti bilan oq rangli narsani ko‘rdim va uni to‘p deb o‘yladim. Lekin u penalti nuqtasi bo‘lib chiqdi. Jamoadoshimga uzatma berishni istagandim, lekin zarba bergan paytimda to‘p boshqa joyda ekan», — dedi Sentner.