Muborakning “Mash’al” jamoasi Oliy liganing 28-turda Navoiyning “Qizilqum” klubini o‘z maydonida qabul qilib yirik 4:0 hisobida mag‘lubiyatga uchratdi.
Ushbu g‘alaba “yo‘lbarslar”ning oliy ligadagi yubiley – 200-g‘alabasi sifatida tarixga kirdi. Qayd etish kerakki, “ Mash’al” jamoamiz hozirga qadar Oliy liga bahslarida o‘zining 17-mavsumini o‘tkazmoqda.
Hozircha “gazchilar” chempionat doirasida jami 468ta uchrashuv o‘tkazishib, shulardan 200tasi g‘alaba, 86tasi durang va yana 194ta uchrashuvni mag‘lubiyat bilan yakunlashgan.
To‘plar nisbati esa: 625-657. Ochkolar soni 688ta bo‘lib turibdi. Oliy ligada hali ishtirok etayotgan “Mash’al” yana bir qancha bahsda maydonga tushishi aniq shu bois hali muborakliklarning bu ko‘rsatkichlari yana bir necha bor o‘zgarishi shubhasiz.
“Mash’al” jamoasining oliy ligadagi yubiley g‘alabalari:
1. Oliy liga-1995 yil 15 aprel . 4-tur. “ Mash’al ” – “ Temiryo‘lchi ” 2-0
50. Oliy liga-2005 yil 15 aprel 3-tur. “ Mash’al ” – “So‘g‘diyona” 5:1
100. Oliy liga-2007 yil 30 sentyabr 22-tur. “ Vobkent” – “ Mash’al ” 2:4
150. Oliy liga-2011 yil 15 oktyabr 23-tur. “ Mash’al ” – “Andijon” 4:0
200. Oliy liga-2017yil 8 noyabr 28-tur. “ Mash’al ” – “ Qizilqum ” 4:0
