Муборакнинг “Машъал” жамоаси Олий лиганинг 28-турда Навоийнинг “Қизилқум” клубини ўз майдонида қабул қилиб йирик 4:0 ҳисобида мағлубиятга учратди.

Ушбу ғалаба “йўлбарслар”нинг олий лигадаги юбилей – 200-ғалабаси сифатида тарихга кирди. Қайд этиш керакки, “Машъал” жамоамиз ҳозирга қадар Олий лига баҳсларида ўзининг 17-мавсумини ўтказмоқда.

Ҳозирча  “газчилар” чемпионат доирасида жами 468та учрашув ўтказишиб, шулардан 200таси ғалаба, 86таси дуранг ва яна 194та учрашувни мағлубият билан якунлашган.

Тўплар нисбати эса: 625-657. Очколар сони 688та бўлиб турибди. Олий лигада ҳали иштирок этаётган “Машъал” яна бир қанча баҳсда майдонга тушиши аниқ шу боис ҳали муборакликларнинг бу кўрсаткичлари яна бир неча бор ўзгариши шубҳасиз.

“Машъал” жамоасининг олий лигадаги юбилей ғалабалари:

1. Олий лига-1995 йил 15 апрел . 4-тур. “ Машъал ” – “ Темирйўлчи ” 2-0

50. Олий лига-2005 йил 15 апрел 3-тур. “ Машъал ” – “Сўғдиёна” 5:1

100. Олий лига-2007 йил 30 сентябрь 22-тур. “ Вобкент” – “Машъал” 2:4

150. Олий лига-2011 йил 15 октябрь 23-тур. “ Машъал ” – “Андижон” 4:0

200. Олий лига-2017йил 8 ноябрь  28-тур. “ Машъал ” – “Қизилқум” 4:0