“The Daily Mail”ning xabar berishicha, Belgiya terma jamoasi hujumchisi Romelu Lukaku Yaponiya termasiga qarshi o‘rtoqlik o‘yinida gol kiritib, Belgiya tarixidagi eng yaxshi to‘purarga aylangandi. Biroq FIFA bu rekordni qayd etmadi.
Buning sababi shundaki, Belgiyaning Lyuksemburgga qarshi 2014 yili o‘tkazgan o‘rtoqlik o‘yinida Lukaku uchta gol urgan. Biroq mazkur o‘yinda belgiyaliklar safida 7 ta o‘yinchi almashtirilgan, natijada mazkur match FIFA tomonidan qayd etilmagan, boisi o‘rtoqlik o‘yinlarida ko‘pi bilan 6 ta o‘yinchi almashtirilishi mumkin. O‘z-o‘zidan Lukakuning o‘sha o‘yinda urgan 3 ta goli ham FIFA tomonidan hisoblanmagan.
