“The Daily Mail”нинг хабар беришича, Бельгия терма жамоаси ҳужумчиси Ромелу Лукаку Япония термасига қарши ўртоқлик ўйинида гол киритиб, Бельгия тарихидаги энг яхши тўпурарга айланганди. Бироқ ФИФА бу рекордни қайд этмади.
Бунинг сабаби шундаки, Бельгиянинг Люксембургга қарши 2014 йили ўтказган ўртоқлик ўйинида Лукаку учта гол урган. Бироқ мазкур ўйинда бельгияликлар сафида 7 та ўйинчи алмаштирилган, натижада мазкур матч ФИФА томонидан қайд этилмаган, боиси ўртоқлик ўйинларида кўпи билан 6 та ўйинчи алмаштирилиши мумкин. Ўз-ўзидан Лукакунинг ўша ўйинда урган 3 та голи ҳам ФИФА томонидан ҳисобланмаган.
