Madridning «Atletiko» klubi yarim himoyachisi Saul Niges «Real»ga qarshi kechadigan o‘yindan oldin o‘z fikrlari bilan o‘rtoqlashdi.

«Men «Real»da katta tajriba to‘pladim, ammo o‘ylashimcha, har qanday 11 yoshli bolakay bu bosqichdan o‘tadi. O‘sha vaqtlari odamlar men haqimda gapira boshlashgandi. «Real»da o‘tkazgan vaqtlarimni foydali bo‘lgan deb hisoblayman.

Buning natijasida ancha pishdim va ko‘p narsani tushundim. Shularning sharofati bilan men hozir «Atletiko»da o‘ynamoqdaman», — deydi Saul.