«Barselona» hujumchisi Pako Alkaser kelajak rejalari bilan o‘rtoqlashib, jamoada qolishga qaror qilganini ta’kidladi.
«Ha, «Barselona»da qolishni istayman. O‘ynash va o‘z ustimda ishlashda davom etaman.
Maydonda Luis va Leo bilan o‘zaro harakatlarimiz kun sayin yaxshilanmoqda. Ular dunyodagi eng yaxshi hujumkor futbolchilar.
Tushunarliki, jamoamiz katta va ba’zida ayrim futbolchilar nazardan chetda qolishadi. Shunga qaramay, har kim o‘z imkoniyatidan unumli foydalanish yo‘lida tinmay mehnat qilishi kerak».
