Bugun, 23 noyabr kuni Xalqaro futbol federasiyasi (FIFA) tashkilotga a’zo terma jamoalarning yangilangan reytingini e’lon qildi.

Unga ko‘ra, O‘zbekiston milliy terma jamoasi 437 (470) ochko bilan 80-pog‘onaga joylashdi. Terma jamoa avvalgi ko‘rsatkichga nisbatan 4 o‘ringa pastladi va OFKga a’zo mamlakatlar orasida 10-o‘rinni egalladi.

Yangi reytingga nazar soladigan bo‘lsak, O‘zbekiston o‘zidan Suriya va Iroq terma jamoalarini oldinga o‘tkazib yuborgan. Eron terma jamoasi 798 ochko bilan Osiyoda peshqadamlik qilmoqda.

Kuchli uchlikdan Avstraliya (747) va Yaponiya (623) terma jamoalari joy olishdi.

Quyida OFKga a’zo mamlakatlarning TOP-10 ligi bilan tanishishingiz mumkin.

1 (32). Eron — 798 ochko;

2 (39). Avstraliya — 747 ochko;

3 (55). Yaponiya — 623 ochko;

4 (59). Janubiy Koreya — 563 ochko;

5 (60). Xitoy — 561 ochko;

6 (63). Saudiya Arabistoni — 539 ochko;

7 (73). BAA– 474 ochko;

8 (77). Suriya — 442 ochko;

9 (79). Iroq — 438 ochko.

10 (80). O‘zbekiston — 437 ochko;

Germaniya terma jamoasi 1602 ochko bilan FIFA reytingida yana peshqadamlikni o‘rnatib turibdi. Braziliya 1483 ochko bilan ikkinchi o‘rinni egallagan bo‘lsa, kuchli uchlikni Portugaliya terma jamoasi 1358 ochko bilan yakun yasab berdi.