“Chelsi” a’zosi Eden Azar Muhammad Salaxning nega 2013-2014 va 2014-2015 yilgi mavsumda klub tarkibidan joy ololmagani haqida gapirdi.

“U mening do‘stim, ajoyib futbolchi. Salaxning nega tarkibdan joy ololmaganini bilmayman. Bunga murabbiy bilan munosabatlari sababchi bo‘lganmi yoki raqobatmi, bu menga qorong‘i. U o‘z ishining ustasi edi, biroq u paytda men, Villan va Oskar Salaxning chizig‘ida o‘ynardik. Bunday paytda asosiy tarkibga kirish oson bo‘lmaydi. Ammo, baribir, Salaxni bemalol yuqori saviyadagi futbolchi desak bo‘ladi. U ajoyib hujumchi va joriy mavsumda ko‘p gollar urmoqda”, dedi Azar.