"Paxtakor" O‘zbekistonda eng sovrindor jamoa qatorida qolmoqda.

Milliy chempionat va O‘zbekiston Kubogida "Paxtakor" eng ko‘p muvaffaqiyatga erishgan klub sanaladi. Chempionatimizda birinchi chempionlardan hisoblangan jamoamiz hozirgacha 11 marta oltin medallarga ega chiqqan. 2002-07 yillar oralig‘ida ketma-ket 6 marta g‘oliblik qo‘lga kiritilgan.

Kumush medallar 5 bor qo‘lga kiritilgan bo‘lsa (1993, 2001, 2008, 2009, 2010), bronza medallari soni ikkitaga yetdi (2011 va 2017 yil).

Chempionatlardagi eng yomon ko‘rsatkich 1994 yil qayd etilgan. O‘shanda jamoa 8-pog‘onadan o‘rin olgan.

Shu o‘rinda kubokdagi g‘alabalarni ta’kidlab o‘tish mumkin. "Paxtakor" bu borada ham yetakchi hisoblanadi. Jamoamiz O‘zbekiston Kubogida xuddi oliy ligadagi kabi 11 marta g‘olib chiqqan.