27 noyabr kuni Kataloniyaning “Barselona” klubi Ispaniya La-Ligasining 13-tur doirasida “Valensiya” bilan safarda 1:1 hisobida durangga erishdi.

Gap shundaki, Ispaniya chempionatining amaldagi peshqadamlari bir yil davomida ketma – ket ikki o‘yinda durang qayd etdi. Kataloniyaliklar 22 noyabr chorshanba kuni Turinda “Yuventus” mehmoni bo‘lib, 0:0 hisobida durang bilan ortga qaytishgandi.

Ushbu natija futbol yulduzlaridan biri hisoblanmish, Lionel Messi jamoasi uchun 2017 yildagi eng yomon ko‘rsatkichlardan biri hisoblanadi.

Bundan tashqari, “Barselona” 2016 yilning noyabr-dekabr oylarida “Real Sosyedad”, “Erkules” va “Real” jamoalari bilan 1:1 hisobida durangga erishgandi.

Yana bir e’tiborli tomoni shundaki, “Barselona” yetakchisi Lionel Messi ham jamoasining muvaffaqiyatsiz o‘yinlariga sababchi bo‘lib qolmoqda.

Messi mana ketma-ket 6 o‘yindan beri raqiblar darvozasiga gol ura olmayapti. Argentinalik futbolchining golsiz seriyasi jami oltitaga yetdi.

Leo Messi “Barselona” safida so‘nggi 5 o‘yinda Argentina terma jamoasi safida Rossiyaga qarshi uchrashuv (1:0) da raqib darvozabonlarini dog‘da qoldira olmagan.

Messi so‘nggi martu bunday yomon ko‘rsatkichni 2010 yil takrorlagan bo‘lib, o‘sha vaqtda hujumchining golsiz seriyasi yettitaga yetib borgandi.

Biroq shunga qaramay, Messi Ispaniya chempionatining 13-turidan so‘ng 12 ta gol bilan to‘purarlar poygasida peshqadamlik qilmoqda.

“Valensiya” klubi hujumchisi Simone Zaza mavsum boshidan beri 9 marta o‘z nomini tabloga yozib qo‘ygan.

Madridning “Real” klubi hujumchisi Krishtianu Ronaldu esa atigi 2 ta gol bilan to‘purarlar ro‘yxatining pastki qismlaridan joy olgan.

Shuningdek, “Barselona” 35 ochko bilan musobaqa peshqadami bo‘lib turgan bo‘lsa, “Real” 27 ochko jamg‘argan holda 4-o‘rinni egallab turibdi.

“Valensiya” (31) va “Atletiko” jamoalari (27) “Barselona”dan keyingi “Real”dan oldingi o‘rinlarni band etishgan. Eslatib o‘tamiz, argentinalik futbolchi 24 noyabr kuni “Oltin butsa” sovrini bilan taqdirlangandi.