O‘zbek futbolining eng nomdor futbolchilaridan biri, mamlakatimizning 12 karra chempioni, O‘zbekiston terma jamoasi safida 119ta uchrashuv o‘tkazgan Timur Kapadze 2017 yilgi mavsum so‘nggida futbolchilik faoliyatiga yakun yasaydi.
“Lokomotiv” jamoasi sardori sifatida o‘ynab kelayotgan asli farg‘onalik ushbu futbolchi faoliyatini “Neftchi” jamoasida boshlagan. So‘ngra “Paxtakor”, “Bunyodkor”, “Inchxon Yunayted” (J. Koreya), “Sharja” (BAA) hamda “Aktobe” (Qozog‘iston) kabi klublar sharafini himoya qilgan.
36 yoshli mahorat sohibi shu paytga qadar O‘zbekiston chempioni (12 marta), O‘zbekiston kubogi sohibi (9 marta), Qozog‘iston chempioni unvonlariga ega chiqqan. Shuningdek, milliy terma jamoamiz safida uzoq yillar mobaynida barqaror o‘yin namoyish etgan.
4 dekabr kuni bo‘lib o‘tadigan O‘zbekiston kubogi final o‘yini Timur Kapadze uchun professional futbolchi sifatidagi so‘nggi bahs bo‘ladi.
Qayd etish joizki, Timur Kapadze ortda qolgan mavsumda Oliy Ligada 21ta uchrashuvda maydonga tushib, 3 marta o‘z nomini tabloga yozdirib qo‘ydi.
