Madridning “Real” klubi hujumchisi Krishtianu Ronalduning o‘g‘li bolalar ligasida gol urdi.
Gap shundaki, kichik Ronaldu jarima zarbasidan ajoyib tarzda darvozani ishg‘ol etdi.
Ronaldu o‘g‘lining golini o‘zining Instagram sahifasiga joyladi va video ostiga: “Bu hech qanday tasodif emas”, - deya izoh qoldirdi mag‘rur ota.
Ma’lumot o‘rnida, portugaliyalik futbolchining o‘g‘li kichik Ronaldu 2016 yilning oktyabr oyidan futbol bilan jiddiy tarzda shug‘ullanishni boshladi.
U Ispaniyaning uchinchi bolalar ligasidagi “Poseelo” jamoasi uchun maydonga tushmoqda.
Ta’kidlab o‘tish joizki, kichik Ronalduning ushbu goli ijtimoiy tarmoq foydalanuvchilarining maqtovlariga sazovor bo‘lmoqda.
Eslatib o‘tamiz, Krishtianu Ronaldu kuni kecha o‘zining ancha ulg‘ayib qolgan qizini muxlislarga namoyish qilgandi.
Shuningdek, taniqli futbol yulduzi Instagram tarmog‘idagi o‘quvchilari soni bo‘yicha faqat Selena Gomesdan keyingi o‘rinni egallab turibdi.
Ronalduning Instagram sahifasini kuzatib boruvchilar soni 116 millionni tashkil qiladi. Selena Gomesda esa bu ko‘rsatkich - 130 milliondan ko‘proq hisoblanadi.
