FIFA Quvaytni tashkilot a’zoligiga qayta qabul qilish haqida qaror chiqardi, deya xabar beradi Al Arabiya telekanalining Tvitterdagi rasmiy sahifasi.

Quvaytning halqaro futbol tashkilotidagi a’zoligi o‘tgan yilning may oyida to‘xtatilgan edi, bunga mamlakat qonunchiligining sport sohasiga aralashuvi sabab bo‘lgan edi.

FIFA sanksiyani bekor qilish uchun yanvar oyida Quvayt oldiga uch shart qo‘ygan edi. Ular ichida mamlakat sport qonunchiligiga o‘zgartirishlar kiritish, Quvayt olimpiya qo‘mitasi rahbarligiga shayx Talal al Fahd as Sabohni tiklash hamda FIFA va HOQ tomoniga arznomani qaytarib olish.