“Manchester Yunayted” klubi darvozaboni David De Xea “Manchester Siti”ga qarshi o‘yin oldidan sobiq futbolchi Tyerri Anrining “MYU” mag‘lub bo‘lishini taxmin qilgan haqidagi so‘zlarga qo‘shilmasligini aytdi.
“Bu savolni teskarisini aytgan bo‘lardim, aslida “Siti” “MYU”ni to‘xtata oladimi?, deyish kerak.
Biz uyda muxlislarimiz qarshisida o‘ynaymiz. “Manchester” derbisi boshqacha ruhda o‘tadi. Chunki derbi biz uchun muhim o‘yin sanaladi.
O‘zimizga bo‘lgan ishonchimiz yuqori bo‘lgani uchun g‘alaba qozonishimizni taxmin qilaman”, - deydi De Xea.
Eslatib o‘tamiz, “Manchester Yunayted” - “Manchester Siti” uchrashuvi yakshanba kuni bo‘lib o‘tadi.