Angliya Premyer-Ligasining 16-turidan o‘rin olgan “Manchester Yunayted” hamda “Manchester Siti” jamoalari o‘rtasidagi markaziy uchrashuv yakuniga yetdi. Unda mehmonlar 2:1 hisobida g‘alaba qozonishdi.

Dastlab, 43-daqiqada David Silva jarima maydonchasida bir o‘zi qolib  ketib, hisobni ochdi. Oradan besh daqiqa o‘tib Markus Reshford Fabian Delfning xatosi evaziga Edersonni dog‘da qoldirdi.

Jamoalar tanaffusga aynan shu hisobda chiqib ketishdi. Ikkinchi bo‘limning 54-daqiqasida himoyachi Nikolas Otamendi xuddi birinchi goldagi singari Lukakuning xatosidan so‘ng “Siti”ning ikkinchi golini urdi.

Shundan so‘ng, “Manchester Yunayted” maydonga Zlatan Ibragimovich va Xuan Matalarni tushirdi.

Lekin “Siti” qarshiligini ushbu futbolchilar ham sindira olishmadi va natijada “shaharliklar” “Manchester Yunayted”ning o‘z maydonidagi 40 talik mag‘lubiyatsiz seriyasiga yakun yasab navbatdagi uch ochkoni qo‘lga kiritishdi.

APL, 16-tur.

Manchester Yunayted – Manchester Siti 1:2.

Gollar:0:1 – 43 Silva, 1:1 – 45 Reshford, 1:2 – 54 Otamendi.

Manchester Yunayted – De Xea, Roxo (Lindelef, 46), Smolling, Valensiya, Yang, Errera (Mata, 82), Matich, Lingard (Ibragimovich, 76), Reshford, Lukaku, Marsyal.

Manchester Siti – Ederson, Kompani (Gyundogan, 46), Otamendi, Uoker, Delf, Silva, Fernandinyo, Sterling, de Bryuyne, Sane (Bernardu Silva, 88), Gabriel Jezus (Mangalya, 59).

Ogohlantirishlar:Uoker (4), Roxo (36), Reshford (63), Silva (73), Errera (79), Yang (90).