O‘zbekiston chempionatining 2017 yilgi mavsumi o‘z nihoyasiga yetganiga hali uncha ko‘p vaqt bo‘lgani yo‘q.

Ayni damda “Lokomotiv” jamoasi a’zolari yangi mavsum tadorigini boshlash oldidan qisqa ta’tilga chiqishgan.

Yaqinda sport saytlarida “Lokomotiv” jamoasi yarim himoyachisi Ikrom Aliboyevning “Paxtakor” bilan kelishuvga erishgani va kelasi mavsumni aynan mana shu klub safida o‘tkazishi aniq bo‘lib ulgurgani haqida ma’lumot chiqdi.

Biroq “Lokomotiv” PFK matbuot xizmati shuni ma’lum qiladiki, Ikrom Aliboyev hali hamon O‘zbekiston chempioni a’zosi sanaladi. Futbolchining “temiryo‘lchilar” jamoasi bilan amaldagi shartnomasi mavjud. Qolaversa, “Lokomotiv” “Paxtakor”dan Aliboyev masalasi bo‘yicha rasmiy taklif olganicha yo‘q.

“Lokomotiv” jamoasidagi futbolchilarning keldi-ketdilari to‘g‘risida klub rasmiy saytida ma’lum qilib boramiz.