2018 yilning yanvar oyida Janubiy Koreyada milliy chempionatimizda ishtirok etayotgan klublar murabbiylari uchun seminar tashkil etiladi.

Seminar davomida Key-liga mutaxassislari tomonidan milliy chempionatimiz klublari murabbiylari uchun nazariy va amaliy mashg‘ulotlar o‘tkaziladi.

Shuningdek, klublarimiz murabbiylari Key-liga jamoalari murabbiylari tomonidan futbolchilar bilan ish olib borish uslublari, mashg‘ulot o‘tkazish jarayonlari, taktik tayyorgarlik bosqichlari bo‘yicha batafsil ma’lumot olishadi. Amaliy mashg‘ulotlarda ishtirok etib, tajriba to‘plash imkoniyatiga ega bo‘lishadi.

Ushbu seminar shu yilning 16 noyabr kuni O‘FF Prezidenti Umid Ahmadjonov va Janubiy Koreya Futbol Assosiasiyasining Prezidenti Chun Mun Gu o‘rtasida imzolangan memorandum asosida tashkil etilayotganini ham alohida ta’kidlash kerak.