Bugun Toshkent vaqti bilan 22:00da Klublar o‘rtasidagi jahon chempionati doirasida “Real” klubi “Al Jazira” bilan kuch sinashadi.
Uchrashuvdan oldin “qirollik klubi” ustozi Zinedin Zidan jamoasining bahsga tayyogarligi haqida gapirdi.
“Bu yili uchrashuvlar orasidagi vaqt kam bo‘lmoqda. Hali o‘ynab ko‘rmagan raqibimizga qarshi uchrashuvga yaxshi tayyorlanish kerak. Bu yerda ikki kundan beri mashg‘ulot olib boryapmiz. Raqibning kuchi va uslubini o‘rgandik.
“Al Jazira”ga qarshi bahs oson bo‘lmaydi. Biroq g‘alaba emas, turnirda zafar quchishni o‘ylayapmiz”, - deydi Zidan.
