Shu yilning 24 noyabridan 3 dekabriga qadar Taylandda U-18 World Deaf Futsal Championship — futzal bo‘yicha zaif eshituvchilar o‘rtasidagi Jahon chempionatida O‘zbekiston terma jamoasi barcha raqiblarini mag‘lubiyatga uchratib, bosh sovrinni qo‘lga kiritgani haqida avval xabar berib o‘tgandik.

Vakillarimiz musobaqaning "V" guruhida ishtirok etib, guruhda Shvesiyani 5:3, Indoneziyani 17:2, Kuvaytni 9:2 hisobida mag‘lub etishdi.YArim finalda esa musobaqa favoriti sifatida e’tirof etilayotgan Rossiya terma jamoasi 3:2 hisobida taslim etildi.
Finalda Shvesiyaga qarshi o‘yin o‘tkazgan O‘zbekiston terma jamoasi a’zolari 4:2 hisobida g‘alaba qozonib, Jahon chempioni degan nomga sazovor bo‘lishdi.

Bugun O‘zbekiston Futbol Federasiyasida Jahon chempionlarini taqdirlash marosimi bo‘lib o‘tdi. Marosimda O‘zbekiston Futbol Federasiyasi rahbariyati, terma jamoa murabbiylari, futzalchilar va ularning yaqinlari ishtirok etishdi.

Jahon chempionatida yuksak g‘alabaga erishib, Vatanimiz bayrog‘ini balandga ko‘targan quyidagi futzalchilar va murabbiylarga O‘FF prezidenti nomidan vise-prezident Shoakrom Isroilov esdalik sovg‘alari topshirdi:

1.Obidov Mirazamat Rashid o‘g‘li
2.Norxo‘jayev Xo‘jamurod Axrolxo‘ja o‘g‘li
3.G‘oyibov Rustambek Fayzulla o‘g‘li
4.Sobitbekov Jaloliddin Farrux o‘g‘li
5.Qarshiyev Jaloliddin Baxodirovich
6.Abdullayev Farrux Sa’dullo o‘g‘li
7.SHarafiddinov Davronbek Baxromjon o‘g‘li
8.SHokirjonov Akobirjon Shavkatjon o‘g‘li
9.Tolipov Habibullo Shokirovich
10.Ikramov Mirzabek To‘lqunovich

Murabbiylar
Ahmedov Murodjon Husnutdinovich - bosh murabbiy
Ahmedov Hakim Husnutdinovich - yordamchi murabbiy
Berdiyev Rustam Axnazarovich - yordamchi murabbiy
Krovov Anatoliy Nikolayevich - Menedjer

O‘zbekiston terma jamoasi a’zolari musobaqa g‘olibligidan tashqari, turnirning "Eng yaxshi darvozaboni" va "Eng yaxshi to‘purari" nominasiyalarida ham tengsiz deb topilishganini alohida ta’kidlash kerak.

U-18 World Deaf Futsal Championship musobaqasi endi 2021 yili Xitoyda o‘tkazilishi rejalashtirilgan.