Angliyaning “Manchester Yunayted” jamoasi bosh murabbiyi Joze Mourinyo Angliya Liga Kubogi doirasida “Bristol Siti” (1:2) klubidan uchralgan mag‘lubiyatdan keyingi fikrlari bilan o‘rtoqlashdi.
“Raqiblarda ayrim jihatlar o‘xshab qoldi. Barcha bizning gol urishimizni kutgandi, biroq ular gol urib ketdi. Biz ikki marta to‘singa to‘pni tepdik.
“Bristol Siti” a’lo darajadagi o‘yinni namoyish etdi. Futbolchilar hayotidagi so‘nggi o‘yin kabi matonat bilan o‘ynadi. Shunday bo‘lishini kutgandim.
Futbol uchun juda yaxshi kun – quyi divizion klubidan mag‘lub bo‘ldik. Ular uchun bu katta kundir.
Birinchi bo‘limda bizga intensivlik yetishmadi. Xuddi bu kun biz uchun ofisdagi oddiy ish kuniga o‘xshadi. Ayrim yigitlar ishga ham kelmadi”, - deydi Joze.
