“Manchester Yunayted” jamoasining sobiq futbolchisi va murabbiysi Rayan Giggzning aytishiga ko‘ra, u rahbariyatga hali mashhur bo‘lmasidan oldin Gabriel Jezus va Kilian Mbappelar bilan shartnoma imzolash kerakligini aytgan.

“Uch yil oldin Gabriel Jezusning o‘yinini ko‘rgandim. Shuningdek, Mbappeni doimiy kuzatib borardim. Ularning bahslariga skautlar bilan borganimizda, faqatgina bir gap bo‘lgandi: “Ularni olish kerak”.

O‘sha vaqtlarda bu ikki futbolchini tezroq sotib olish yoki ijarada foydalanishni tavsiya qilgandim. Ularning transfer narxlari uzog‘i bilan 5 mln funt bo‘lishi mumkin edi. Biroq o‘sha vaqtlarda kadrlar bilan ishlashda katta xatoga yo‘l qo‘yganmiz”, - deydi Giggz.

Jezus 2017 yilning yanvarida “Palmeyras”dan “Manchester Siti”ga o‘tgandi. U bu mavsumda 16 o‘yinda 8 gol urib, 3 samarali pas berishga erishgan.

Mbappe shu yilning yozida “Monako”dan PSJ a’zosiga aylandi. Kilian bu mavsumdagi 14 bahsda 8 tadan gol urib, shuncha golga assistentlik qilgan.