Kecha Ravshan Haydarov boshchiligidagi O‘zbekiston U-23 terma jamoasi Qarshida "Nasaf" klubiga qarshi dastlabki nazorat uchrashuvini o‘tkazib, yirik 3:0 hisobida g‘alaba qozonganini xabar qilgandik.
Bugun O‘zbekiston U-23 terma jamoasi chempionatimizning kumush medali sohiblariga qarshi ikkinchi nazorat uchrashuvini o‘tkazdi. Uchrashuv 3:2 hisobida Ravshan Haydarov shogirdlarining g‘alabasi bilan yakuniga yetdi.
O‘zbekiston U-23 terma jamoasi tarkibida gollarni Dostonbek Hamdamov (19-daqiqa), Islomjon Qobilov (56-daqiqa) va Jasur Yaxshiboyev (59-daqiqa) kiritdi.
Eslatib o‘tamiz, O‘zbekiston U-23 termasi 2018 yilning yanvar oyida Xitoyda bo‘lib o‘tadigan Osiyo chempionatida ishtirok etadi.
Qur’a natijasiga ko‘ra, vakillarimiz “A” guruhidan joy olgan bo‘lib, guruh bosqichida Xitoy, Qatar va Ummon terma jamoalari bilan kuch sinashadi.
