"Everton" xo‘jayini Farhod Moshiriy hujumchi Romelu Lukakuning nima uchun jamoani tark etganini ma’lum qildi.

Futbolchi liverpulliklar bilan shartnomasini uzaytirmadi va o‘tgan yilning yozida "MYU"ga o‘tib ketdi.

"Uni saqlab qolish uchun ikki yil ketkazdim. Men doim uning agenti, onasi va oilasi bilan muomalada bo‘ldim Uni bir yil saqlay oldim. O‘tgan yilda boshqa barcha takliflardan yaxshiroq taklif qildik, ammo u qolishni istamadi.

Uni saqlab qolish uchun hamma narsa qildik. Agar unga qanday sharoit taklif qilganimizni aytsam ishonmaysiz. Biz unga "Chelsi"dan ko‘ra, yaxshiroq shartnoma taklif qildik, uning agenti shartnomani uzaytirishga tayyor edi.

Ammo Lukaku yig‘ilishlar xonasidaligida onasi qo‘ng‘iroq qilib, Afrikaga ziyoratga borgani va vudu uning "Chelsi"ga o‘tsa yaxshi bo‘lishini aytganini ma’lum qildi.

Natiada hamma harakatlarim besamar ketdi, dun1yo ba’zan adolatsiz. Hozir Romeluning narxi 120 million funtga chiqqan bo‘lardi va bu biz uchun moliyaviy yo‘qotish. Muammo shundaki, u xayolida bizni tark etib bo‘lgan edi", - deydi Moshiriy.