Ushbu haftada "Barselona" himoyachisiga aylangan Yerri Mina Ispaniya La ligasida eng bo‘yi baland futbolchilaridan biri ekani ma’lum bo‘ldi.
Kolumbiyalik markaziy himoyachi 195 sm. bo‘yga ega. Bu ko‘rsatkich bo‘yicha u Ispaniya chempionatida o‘ynayotgan ba’zi futbolchilardan ortda qoladi, xolos. Mina jamoadoshi Jerar Pike (194 sm) bilan birgalikda eng novcha futbolchilar juftligini hosil qiladi.
"Deportivo" darvozaboni Kostel Pantilimon Primeraning eng bo‘yi baland futbolchisi hisoblanadi (2,02 m). "Xetafe" posboni Filipp Manoylovich bu borada ikkinchi ko‘rsatkichga ega (1,97 m).
"Sevilya" yarim himoyachisi Stiven N'Zonzi, "Jirona" himoyachisi Pedro Alkala va "Espanyol" darvozaboni Diyego Lopes 3-5-o‘rinlarni egallashgan (1,96 m).
"Barselona" yangi futbolchisi Yerri Mina, "Levante" darvozaboni Raul Fernandes va "Deportivo" posboni Pshemislav Titon 6-8-o‘rinlarni band etishgan (1,95 m).
