G‘uzorning “Sho‘rtan” jamoasi safida to‘p tepgan Otabek Narzullayevni futbol ishqibozlari yaxshi tanishadi. O‘zining yorqin o‘yinlari bilan muxlislar mehrini qozongan Narzullayev, jonajon jamoasini tark etishi mumkin. Otabek Narzullayevga Malayziya chempionatida ishtirok etuvchi klubi taklif bilan chiqqanligi haqida xabar tarqaldi.
Ushbu xabarga aniqlik kiritish maqsadida, futbolchi bilan qisqacha suhbatlashdik.
-Otabek sizga Malayziya chempionatida ishtirok etayotgan jamoa jiddiy taklif bilan chiqqanligi haqida xabar tarqaldi, ushbu xabarga oydinlik kiritsangiz.
- To‘g‘ri, Malayziya klubidan taklif bo‘lganligi rost, ammo og‘zaki kelishuvga erishdik. Hozircha biror aniq qarorga kelganim yo‘q. Rostiini aytsam o‘zimizning bir qator jamoalardan ham takliflar bor. Variantlarni ko‘rib chiqayapman.
- Bu yil super ligada ishtirok etadigan “Sementchi” jamoasidan ham taklif bo‘lganligi eshitayapmiz.
- Ha, “Sementchi” jamoasi ham o‘z safiga chorladi, rahbariyatga bu haqda taklif bilan chiqishdi.
-“Sho‘rtan” jamoasi haqida yangiliklar bormi?
- Jamoaning hozirgi holatidan habarim yo‘q.
-Futboldagi keyingi faoliyatingizga omad tilaymiz!
-Rahmat.
Faxriddin Choriyev.
