"Barselona" yarimhimoyachisi Serxio Buskets Ispaniya kubogi chorak finalining birinchi uchrashuvida "Espanyol"dan uchralgan mag‘lubiyat (0:1) haqida fikr bildirdi.
"Bu kuni kelishini bilar edik. Buni qo‘limizdan kelgancha ortga surishga harakat qildik. Ammo uning vaqti bugun ekan.
Yaxshi tomoni shuki, bizda javob uchrashuvi bor. Bu mag‘lubiyat jamoaga ta’sir qilmaydi, bu oddiy o‘yin. Javob uchrashuvini uyda o‘tkazishimiz yaxshi bo‘ldi, biz har qanday sharoitda g‘alaba qozonishimiz kerak", - deydi Buskets.
