Toshkentning “Bunyodkor” jamoasi mavsumoldi yig‘inlari doirasidagi birinchi nazorat uchrashuvini o‘tkazdi.
Mirjalol Qosimov boshchiligidagi “qaldirg‘ochlar” Namanganning “Navbahor” klubiga qarshi nazorat uchrashuvida maydonga tushishdi. Qiziqarli kechgan bahsda bunyodkorchilar 2:1 hisobida g‘alaba qozondilar. Sanjar Qodirqulov va Shoxruz Norxonov tomonidan kiritilgan gollarga “lochinlar”dan Azamat Allaniyozov penaltidan bir bor javob qaytardi.
Shu tariqa, “Bunyodkor” mavsumlar oralig‘idagi birinchi nazorat uchrashuvida g‘alaba qozondi. Endi Mirjalol Qosimov boshchiligidagi “qaldirg‘ochlar” 27 yanvar kuni “Buxoro” klubiga qarshi ikkinchi nazorat uchrashuvini o‘tkazishadi.
