“Paxtakor” Osiyo Chempionlar ligasi pley-off uchrashuvi uchun Qatar poytaxti Doxa shahriga yetib keldi.
Tushga yaqin Toshkentdan Doxa tomon parvoz qilgan samolyotda "Paxtakor" Qatarga keldi va mehmonxonaga joylashib ulgurdi. "Al-Garafa"ga qarshi 30 yanvar kuni "Tani Bin Jassim" stadionida kechadigan uchrashuvga tayyorgarlik Doxada davom ettiriladi. Bugungi mashg‘ulot Toshkent vaqti bilan soat 21:00da boshlanadi.
Shota Arveladze Qatardagi o‘yin uchun quyidagi futbolchilarni tanlab olgan:
Darvozabonlar - Aleksandr Lobanov, Eldor Suyunov, Botirali Ergashev.
Himoyachilar - Kamoliddin Tojiyev, Akmal Shorahmedov, Marko Simich, Farruh Sayfiyev, Vladimir Kozak, Yegor Krimes, Sherzod A’zamov.
Yarim himoyachilar - Akbar Ismatullayev, Azim Ahmedov, Doston Ibrohimov, Jamshid Iskanderov, Jaloliddin Masharipov, Rostin Griffits, Bahrom Abdurahimov, Dilshod Rahmatullayev, Jasur Yaxshiboyev.
Hujumchilar - Tiago Bezerra, Jasur Hakimov, Zabihillo O‘rinboyev.
Ergashev, Yaxshiboyev va O‘rinboyev 29 yanvar kuni Doxaga Xitoydan yetib kelishadi.
