“Manchester Siti” a’zosi Kevin De Bryuynening ta’kidlashicha, uning klubi 4 ta turnirda ham g‘alaba qozona oladi. Ayni paytda “shaharliklar” Angliya chempionati, YECHL, Angliya kubogi va Angliya liga kubogida ishtirok etmoqda.
“Tajribali va mahoratli futbolchilari bo‘lgan jamoa 4 ta turnirda g‘alaba qozona oladi. Albatta, bu juda qiyin, chunki buning uchun klubdagi barcha futbolchi top darajada bo‘lishi kerak. Qolaversa, mavsum davomida turli jarohatlar va chetlashtirishlar bo‘lishi mumkin. Ammo “Manchester Siti” buni uddalay oladi”, dedi Bryuyne.
