“Liverpul” klubi bosh murabbiyi Yurgen Klopp “Tottenxem”ga qarshi uchrashuv (2:2) ni boshqargan hakam Jonatan Mossning harakatlariga yana izoh berdi.

“Birinchi bo‘limda juda ham ko‘plab qoida buzilishlar holati sodir bo‘ldi, biroq ko‘plab epizodlarga hakam e’tibor bermadi va bugun shunday o‘ynaymiz deya ishini davom ettirdi. Keyin esa yengil to‘qnashuv oqibati o‘yin natijasiga katta ta’sir ko‘rsatdi.

Bu penalti beradigan vaziyat emasdi, shunchaki bir kichik epizod. Qattiq jahldaman, ammo men nima qila olishim mumkin? Sarlavha uchun qandaydir yaxshi gapirishim kerakmi? Keyin jarima va diskvalifikasiya qo‘llashlarini istaysizlarmi?

Agar hayolimdan o‘tayotgan fikrlarni aytishga ruxsat berishganda, bilmayman futbol tarixidagi eng katta jarimani to‘lagan bo‘lardim. O‘yin tugadi endi gapirishdan foyda ko‘rmayapman”, – dedi Klopp.