Avval xabar berilganidek, “Kelajagimiz umidlari” festivali butun respublika bo‘ylab davom etmoqda. Dastlab, bolalar o‘rtasidagi futbol musobaqalari vodiyda start oldi.

Andijon, Namangan, Farhona viloyatlarida o‘tkazilgan festivalda 7 yoshdan 10 yoshgacha bo‘lgan 400dan ortiq bolalar ishtirok etishdi. Keyin Qoraqalg‘oiston Respublikasida ushbu festival doirasidagi musobaqalar o‘tkazildi.

Ayni kunlarda "Kelajagimiz umidlari" festivali Buxoro va Navoiy viloyatlarida davom etmoqda. Festivalda ikki viloyatning barcha tumanlaridan kelgan maktab o‘quvchilari ishtirok etishmoqda.

Buxoro shahridagi “Xumo” sport majmuasida 4ta yosh toifasida 100 nafardan bola 10 ta jamoaga bo‘linib baxs olib boryapti.

6 fevral kuni Navoiy shaxridagi Olimpiya zaxiralari kolleji zalida Festivalga start berilgan bo‘lib, bu yerda "Kelajagimiz umidlari" festivali 9 fevralgacha davom etadi.

Festival davomida ishtirokchilariga sovg‘a sifatida to‘plar, sport formalari taqdim qilinmoqda hamda Faxriy yorliqlar topshirilyapti.