Eron Islom Respublikasi poytaxti, Tehron shahrining “Persepolis” professional futbol klubi 1963 yili tashkil bo‘lgan. Eron Pro-ligasida ishtirok etadi. Bu klub boy tarixga ega bo‘lib, Eronning eng kuchli klublaridan hisoblanadi. Eron chempionatida uchta klub sovrinlar yig‘ish bo‘yicha yetakchi hisoblanishadi. Shu uch klubning bittasi, raqibimiz “Persepolis” klubidir.
Jamoaga ayni paytda xorvatiyalik mutaxasis Branko Ivankovich ustozlik qilmoqda. “Persepolis” jamoasi uy uchrashuvlarini Tehron shahridagi “Ozodiy” stadionida o‘tkazadi.
“Persepolis” OCHL-2017ning yarim finalida Saudiya Arabistonining "Al-Hilol" klubi bilan bahs yuritgan. Tehronliklar yarim finaldagi dastlabki, o‘z maydonidagi uchrashuvda 2:2 hisobida durang qayd etadi va safardagi javob uchrashuvida, yirik 4:0 mag‘lubiyatga uchrab, finalga chiqa olishmagan.
“Persepolis” o‘z tarixida 10 karra mamlakat chempioni bo‘lgan, 9 karra kumush medalga sazovor bo‘lgan va Eron Kubogini 5 marta qo‘lga kiritgan.
Xalqaro turnirda, 1991 yili Osiyo kubok egalarining kubogini qo‘lga kiritgan va yana bir marta ushbu musobaqaning finalchisi bo‘lgan.
Eron Premyer-ligasida 16ta jamoa ishtirok etadi. Chempionat kuz-bahor tizimida o‘tkaziladi. 16ta jamoa ikki davradan iborat tizimda, uy-safar uchrashuvlarida o‘zaro bahslashadi.
Ayni paytda Eron premyer-ligasining 23-tur bahslari davom etmoqda. Raqibimiz bu turdagi uchrashuvni safarda “Naft” jamoasiga qarshi o‘tkazdi va 3:0 hisobida g‘alaba qozondi. Uchrashuvdagi gollarni 10-raqamdagi Farshod Axmadzoda va jamoa to‘purari 70-raqamdagi Ali Alipurlar (2ta) kiritishdi. Bu g‘alaba bilan raqibimiz ochkolari sonini 54taga yetkazib oldi. “Persepolis” hozirgi paytda turnir jadvalidagi ta’qibchisidan 16 ochko oldinda bormoqda hamda yakka peshqadamlik qilmoqda.
“Persepolis” klubi Eronning amaldagi chempioni ham hisoblanadi. Jamoaning 70-raqamdagi hujumchisi Ali Alipur 17ta gol urib, Eron premyer-ligasining to‘purari bo‘lib turibdi.
“Persepolis” tarkibida mahalliy futbolchilar qatori legioner futbolchilar ham to‘p tepishadi. Bular, nigeriyalik 90-raqamdagi hujumchi Godvin Mensha, 44-raqamdagi xorvatiyalik darvozabon Bujidor Radoshevich va 5-raqamdagi iroqlik o‘yinchi Bashar Buniyanlardir.
Hozirgi paytdagi jamoa tarkibi quyidagicha.
Darvozabonlar
1.Alirizo Berovand
44.Bujidor Radoshevich (Xorvatiya)
12.Abulfazl Darveshvand
Himoyachilar
3.SHoja Xalilzoda
4.Said Jalol Husayni (jamoa sardori)
13.Husayn Mohiyni
15.Muxammad Ansori
17.Sodiq Maxrumi
18.Muhsin Robi Xon
69.Ali Muslix Taklimi
24.Romin Rizoyan
Yarim himoyachilar
2.Sodih Muharrami
5.Bashar Buniyan (Iroq)
7.Sarovush Rafai
8.Axmad Nurullohi
10.Farshod Axmadzoda
11.Komil Kamilobi Ziyo
77.Muhsin Musulmon
88.Siyomak Ne’mati
19.Vohid Amiri
21.Adam Ne’mati
Hujumchilar
25. Ehson Alvonzoda
37.Xamidrizo Tohirxoni
70.Ali Alipur
90.Godvin Minsha (Nigeriya)
Bosh murabbiy: Branko Ivankovich (Xorvatiya)
Eslatib o‘tamiz, “Persepolis” – “Nasaf” uchrashuvi 13 fevral seshanba kuni Tehron shahridagi “Ozodiy” stadionida, bizning vaqt bilan soat 18:15da boshlanadi.
