«Barselona» Ispaniyaga moslashib ketish uchun bir qator muammolarga duch kelayotgan Usmon Dembelening adaptasiya jarayonini yengillashtirishga harakat qilmoqda.
Mundo Deportivo nashri tarqatgan xabarga ko‘ra, klub fransuz futbolchisining ko‘p holatda fast-fud iste’mol qilib yurishidan xabardor bo‘lib, uning uchun shaxsiy oshpaz yollagan. Bundan tashqari fizioterapevtlar uning jismoniy holatini tekshirib turish uchukn, tez-tez Dembele uyiga tashrif buyurib turadigan bo‘ldi.
Dembele «Barselona» safiga 2017 yilda Dortmundning «Borussiya» klubidan kelib qo‘shilgandi. Uning uchun kataloniyaliklar 105 million yevro to‘lagan va yana qo‘shimcha bonuslar ham to‘lab berishi kerak bo‘ladi.
