Avval xabar berganimizdek, jamoamiz Toshkentda bir qator o‘rtoqlik uchrashuvlarini o‘tkazmoqda. Shulardan biri bugun xalqaro o‘rtoqlik uchrashuvi maqomida bo‘lib o‘tdi. Jamoamiz Tojikistonning “Istiqlol” klubi bilan o‘rtoqlik uchrashuvini o‘tkazdi.

Dastlabki bo‘lim yuqori  tepmda o‘tdi. Jamoamiz futbolchilari bir qator havfli vaziyatlar yaratdi. O‘yinning 24 daqiqasida Sardor Azimovga nisbatan qo‘pollik ishlatildi. Bosh hakam tomonidan penalti belgilandi. Undan Shoxruz Norxonov unumli foydalandi. Birinchi bo‘lim 1:0 jizzaxliklar foydasiga yakunlandi.

Ikkinchi bo‘limda murabbiylar shtabi bir nechta o‘zgarishlarni amalga oshirdi. Bo‘lim yanada shiddatli o‘tdi. Raqib futbolchilari ham “So‘g‘diyona” darvozasi yonida bir qator havfli vaziyatlarni yuzaga keltirdi. Biroq ulardan foydalanishda Tojikistonning futbolchilariga biroz omad yetishmadi. Ikkinchi bo‘limning so‘nggi 10 daqiqasini “So‘g‘diyona” yana faollikda o‘tkazdi. Ikkinchi bo‘limda zahiradan o‘yinga qo‘shilgan Izzatilla Abdullayev qanotdan ajoyib yurishni  amalga oshirib, Azamat Isroilov tomon to‘pni ajoyib tarzda oshirib berdi. Qanot himoyachimiz esa vaziyatdan unumli foydalanib hisobni 2:0 ga yetkazdi. Shu tariqa o‘yin 2:0 hisobida Aleksandr Mochinov shogirdlarining g‘alabasi bilan yakunlandi.

“So‘g‘diyona”-“Istiqlol” (Tojikiston) 2:0

Gollar: Shoxruz Norxonov,Azamat Isroilov

«So‘g‘diyona»: Dilshod Xamroyev, Sardor Qulmatov, Shoxrux Xolmatov, Toxir Shamshitdinov, Jahongir Abdumo‘minov(s), Doniyor Xasanov, Alisher Ziyavuddinov, Sardor Azimov,  Farxod Miraxmatov, Shoxruz Norxonov,Azamat Isroilov

Zaxirada: Shirinboy Abdullayev, Ruslan Melziddinov, Dilmurod Karimov, Doniyor Odilov, Izzatilla Abdullayev, Akmal Xolmurodov, Elyor Orifov, Umidjon Qodirov.

“So‘g‘diyona” matbuot xizmati