Bugun 21 fevral kuni O‘zbekiston Milliy Olimpiya qo‘mitasi prezidenti va O‘zbekiston futbol Assosiasiyasi 1-vise-prezidenti Umid Ahmadjonov Qibray tumani Baytqo‘rg‘on qishlog‘idagi Ichki ishlar vazirligining 2-sonli Toshkent Akademik liseyiga tashrif buyurdi.
Umid Ahmadjonov bu o‘quv dargohidagi sportchilarni tayyorlash bo‘yicha shart-sharoitlar bilan yaqindan tanishdi. Shuningdek, tashrif davomida liseyda tahsil olayotgan bir qancha sportchilar - erkin kurash bo‘yicha tuman miqyosidagi, respublika miqyosidagi chempionlar bilan ham uchrashib, suhbatlashildi. Liseyda yosh chempionlarni tayyorlash uchun qanday sharoitlar zarurligi, nimalarga ahamiyat qaratish kerakligi haqida lisey ma’muriyati bilan fikr almashildi.
Shundan so‘ng, Xitoyda bo‘lib o‘tgan Osiyo chempionatida muvaffaqiyat qozongan O‘zbekiston Olimpiya terma jamoasi bosh murabbiyi Ravshan Haydarov va futbolchilar – Zabihullo O‘rinboyev, Javohir Sidiqov, Abbos Otaxonov, Suxrob Nurullayev lisey o‘quvchilari bilan uchrashib, Osiyo chempionati taassurotlari bilan o‘rtoqlashishdi. Shuningdek, o‘quvchilar ularga o‘zlarini qiziqtirgan savollar bilan murojaat qilib, javoblar olishdi. Chempionlar bilan birga esdalik uchun suratga tushishd.