Yamaykalik yengil atletikachi Useyn Bolt 10 iyun kuni “Old-Trafford”da tashkillashtiriladigan xayriya o‘yinida maydonga tushishini ma’lum qildi.
10 iyun kuni Manchesterda xayriya o‘yini tashkil etiladi. O‘yindan tushgan mablag‘ YUNISEFning bolalar fondiga o‘tkaziladi. Mazkur tadbir tashkilotchilari qo‘shiqchi Robbi Uilyams hamda teleboshlovchi Jonatan Uilkslardir.
Ushbu xayriya matchida sobiq professional futbolchilar hamda mashhur shaxslardan iborat jamoalar o‘zaro to‘p surishadi.