SSKA himoyachisi Vasiliy Berezuskiy o‘zi va akasi Aleksey Rossiya terma jamoasidagi faoliyatini yakunlaganini aytdi.
«Bir yil oldin Rossiya terma jamoasidagi faoliyatimni to‘xtatganimni aytgan edim. Yoshim va eng asosiysi sog‘lig‘imni inobatga olib, klubdagi faoliyatimga e’tibor qaratishni ma’qul ko‘rgan edim. Endi esa, chuqur muhokama va mulohazalardan so‘ng, terma jamoadagi faoliyatni yakunlashga qaror qildik.
Bilaman, jahon chempionatiga uch oy qoldi. Biroq, sog‘lig‘imiz terma jamoa uchun bor kuchimizni sarflash imkoniyatini bermaydi» - dedi Vasiliy Berezuskiy.
Eslatib o‘tamiz, egizaklar Vasiliy va Aleksey Rossiya terma jamoasidagi faoliyatini 2003 yilda boshlagan. Vasiliy hisobida 101ta, Aleksey hisobida 58ta o‘yin bor.
