Kecha Toshkent shahridagi “O‘zbekiston” mehmonxonasida “Metallurg” va “Qo‘qon-1912” jamoalarining rasmiylari va PFL vakillari ishtirokida yig‘ilish bo‘lib o‘tdi.
Yig‘ilishda bugun bo‘lib o‘tadigan superliga 3-tur doirasidagi “Metallurg” – “Qo‘qon-1912” jamoalari o‘rtasidagi o‘yinning tashkiliy jihatlari ko‘rib chiqilib, unda uchrashuv komissari Roman Chernikov jamoalar vakillariga o‘yinda bo‘ladigan holatlar va tashkiliy masalalar haqida batafsil tushuncha berib o‘tdi.
Yig‘ilishda jamoalarning uchrashuvda kiyadigan liboslari tasdiqlandi. Unga ko‘ra mezbonlar , “Metallurg” jamoasi to‘q-ko‘k rang, “Qo‘qon-1912” jamoasi esa havorang liboslarda maydonga tushadigan bo‘lishdi.
