18 mart kuni "Paxtakor" Superliganing 3-turida Toshkentda AGMKga qarshi o‘ynaydi.
O‘yindan avval stadionga tashrif buyuradigan ishqibozlar e’tiboriga konsert dasturi taqdim etiladi. Shu kuni "Paxtakor" stadionida Nilufar Usmonova va "Afruz" guruhi mehmon bo‘lishadi. Tanaffus paytida ham badiiy dastur davom ettiriladi va tomoshabinlar ijtimoiy aksiyada ishtirok etib, uch televizordan birini yutib olish imkoniyatiga ega bo‘ladi.
E’tiborlisi, bularning barchasi mutlaqo bepul! "Paxtakor" - AGMK uchrashuviga kirish bepul qilib belgilangan.
Ishqibozlarga ko‘ngildagidek hordik chiqarish uchun barcha sharoitlar muhayyo etiladi.
Futbol muxlislarini 18 mart kuni "Paxtakor" stadioniga chorlab qolamiz. Stadionga keling va "Paxtakor"ni qo‘llab-quvvatlang!
